Plü dadî el tles valdes ladines ma le nezescar por suravire. L'alimentaziun ê dë scëmpla, an se nudri de derivac dl lat, patüc d'urt, panicia y faus, farina de mais.
Carateristiches è les rezetes essenzialmënter scëmples, mo da sostanza, sciöche les bales, les jopes y les tutres (da ciote, spinot o craut, che en iade gnê ma cujinades la sabeda sëra).
Pur fa conësce damì la ciasadafüch ladina y imparè a cujinè valgünes spëises tradizionales, vëgnel organisè cursc da cujiné pro en tipich lüch da paur ladin.
Specialites tipiches ladines é:
-
tutres: da spinoti y ciote, o da craut o ince da pavè che vëgn mangiades adüm cun la panicia, jopa d'orde.
-
cajincí arstîs: meseslünes cun pasta da soni y lovè ciariades ite cun spinot y cötes tl öre
-
gnoch da zigher: gnoc' de pan sëch cun zigher fat te ciasa
-
bales da cioce
-
furtaies y crafuns mori: cötes tl öre y mangiades cun marmulada da granëtes
-
cütles da pom:
Pur na marëna o na cëna tipica ladina aconsiun i lüsc da paur o un di tanc' ristoranc a La Val che ofrësc les spezialitês ladine s (ciara tl elench di esercizi).