Al é metü man la cumpëda di grups linguistics - por le pröm iade ince online

Ai 4 de dezëmber 2023 él pié ia te Südtirol la cumpëda di grups linguistics. Döta la popolaziun che â ai 30.09.2023 la zitadinanza taliana y süa residënza tla provinzia de Balsan  vëgn cherdada a dé dant so grup linguistich (la portignënza o l'agregaziun): ladin, todësch o talian. Da chësta vëgnel determiné la composiziun porcentuala di trëi grups linguistics de Südtirol, a livel provinzial y comunal.

Na novité é che la detlaraziun pó gní fata tratan la pröma fasa, dai 04.12.2023 cina ai 29.02.2024, online tres le SPID, la cherta sorvisc CNS o la cherta d‘identité eletronica CIE  söla plata Cumpededa dla grupes linguistiches tl Südtirol (provinzia.bz.it). Chi che ne tol nia pert online gnará contatá danter i 1. de aurí y i 30 de jügn 2024 da n relevadú por compilé la detlaraziun sön papier.

Vigni familia ciafa na lëtra dal ASTAT de invit a partezipé tres le sito https://www.censimento-linguistico.provincia.bz.it/. Por i mituns/les mitans che ai 30.09.2023 ne â nia ciamó complí i 18 agn,  mëss la detlaraziun gní fata cun l'aiüt di geniturs o responsabli. I jogn/les jones dai 14 ai 17 agn ciafará na lëtra personala cun n PIN personal che ti garantësc süa partezipaziun ala presentaziun dla detlaraziun.

12/12/2023